بس خدته عنوة واقتدارا
اصله عجبني
بيتهيالي ماحدش هيمانع
شكرا لخالو الصباغ
1
هل توافق على حزف خانة الديانة من البطاقة الشخصية ؟
لا لانها مهمة في كل التعاملات الرسمية
اما التعاملات الغير رسمية فانا بعامل اللي حواليا من منطلق انساني منغير ماشغل بالي ديانتهم ايه
اللي عايز يتعامل عادي بيتعامل عادي
واللي عايز يقفش بيقفش
وكلنا في الآخر بنعامل ربنا
2
ما رأيك فى المثليين ؟ هل هى حرية شخصية ؟ هل توافق على الإعتراف بالمثليين ؟ هل لديك أصدقاء من المثليين ؟
-المثلية جريمه ربنا قلب بسببها بلد بحالها وعاقبها اقسى عقاب بعته على ناس في التاريخ (فجعلنا عاليها سافلها وامطرنا عليهم حجارة من سجيل)
يبقى ازاي يبقى لينا حرية موافقة عليها بعد كلام ربنا
-لا ما اعترفش بيهم الا انهم مجرمين في حق نفسهم وحق ربنا وحق الانسانية اللي بوظو فطرتها السليمة
ده حتى الحيوانات ما بتعملش كده
-بعد كل اللي قلته ده يبقالي اصدقاء منهم؟
3
هل تعتقد بوجود إضطهاد للمسيحين فى مصر ؟
لو فيه اضطهاد يبقى احنا كلنا بنضطهد بعض
احنا اللي نفوسنا وحشة مع بعض
مش بنفرق بين مسلم ومسيحي
وبرضه لسه فيه ناس كتير بتتعامل بالانسانية مش بالديانه
4
من هو الشخص الذى تختارة لرئاسة مصر ؟
اسامه الغزالي حرب
5
أذا قمت بتأسيس حزب سياسى .. من هم الأشخاص الذين ستقوم بضمهم فى الحزب ليشاركوك فى حكم مصر حال فوزك فى الإنتخابات ؟ هل توافق على مشاركة كل من : الإخوان المسلمين - الأقباط فى الحكم ؟
العلماء
هم بس اللي يقدرو يقومو البلد دي تاني
اي حد تثبت كفاءته واخلاصه للبلد يشارك في الحكم
حتى لو من جزر واق الواق
6
فى رأيك الشخصى .. ما هى أفضل مدونة على بلوجر قمت بزيارتها ؟
عصفور المدينة لتنوعها ومواضيعها الدينية المعتدلة
عيل مصري لصدقها واحساسها
خالو للبهجة اللي بتبعتها في نفسي
خيخة واي كلام لقربها من قلبي
7
للإناث فقط : هل توافقين على الزواج من رجل مطلق ؟
اولا: لازم الاول اعرف سبب الطلاق
يعني مش واحد مراته مطلقة منه عشان بيضربها واوافق عليه
ثانيا : لو فيه توافق عاطفي وقبول نفسي اوافق
ثالثا: افضل ان اصحاب الظروف اللي زي بعض
يتجوزو بعض
لانهم اقدر على فهم بعض والاحساس ببعض
8
اذا تزوجت وأنجبت ولدين وبنتين .. أى الأسماء تحب أن تسمى ؟
ادهم ومازن
امل واميرة
بس اربعه ده كتير شوية
امال فين اسال استشير
9
هل تعتقد أن توريث الحكم فى مصر . . سيتم فعلا أم لا ؟
لأ
لاني مش متخيله ان واحد يسيب البلد
تتخرب
وتتنهب
وتتحلب
وبعدين يقعد على تلها
10
فى رأيك الشخصى : ماهو أفضل إنجاز لحكومة مبارك ؟ وما هو أسوأ عمل قامت به ؟
افضل انجاز المترو
اسوأ انجاز
.....
عند حضرتك وقت اكمل
اصل خالو قال عايز اجابات مختصرة
وسؤال اضطهاد المسيحيين ناقشيتني فيه
appy
قلت ارد عليه هنا باستفاضة
اما موضوع المسيحين
فعلى مستوى السلطة مهماش مضطهدين
البابا شنوده ماحدش يقدر يقريله
مش زي اي خطيب جامع ممكن يروح ورا الشمس اوشيخ ازهر مابيتكلمش الا بالاذن
وزير مهم جدا هو وزير المالية المتحكم في كل جنيه يدخل جيبي وجيبك مسيحي
اكبر ملياردير في البلد ساويرس وونسبة كبيرة من اهم رجال الاعمال في البلد مسيحيين
انا مش باقر عليهم انا عارفة كويس انهم مجتهدين
اما على مستوى المواطن العادي زيي وزيك فاحنا مش بس بنضطهد بعض
حنا بناكل بعض وبننهش بعض
ما بنفرقش بين مسلم ومسيحي
لما الاسعار بتغلى بتغلى عالكل
ولما التعليم بيتخرب بيتخرب على الكل
ولما الادوية بتتغش بتتغش عالكل
ولما الدنيا بتطربق بتطربق على الكل
لما بتقوم فتنه كل شوية بين مسلمين ومسيحيين هنا والا هنا تفتكري بيضربوا في بعض ويكسرو مساجد وكنايس عشان غيرانين على الدين
ابدا
ده عنف وغضب مكبوت بيطلعوه على بعض
ماطول عمرهم عايشين مع بعض من 1400 سنه
اشمعنى دلوقتي ظهرت كلمة اضطهاد
الفترة اللي احنا عايشين فيها هيا اللي مضطهدانا كلنا
وما نصدق عركة وخناقة الا وكله يمد ايده
عشان مكتومين وعايزين ننفجر
مسلمين ومسيحيين ويمكن ملحدين كمان
13 comments:
ايه الناس اللى معندهاش حل وسط دى وبتأخد التاج قوة واقتدار
هههههههههه
بس اجابتك كويسه انا بس عاوزة اوضح لكى حاجه يعنى من دراستى ان المثليين دول محتاجين علاج نفسى على ما اعتقد وطبعا احنا بتنرفضهم شكلا وموضوعا جدا بس لازم نقف جنبهم نعالجهم
ثانى حاجه بقى اه فى اضطهاد للمسيحين عارفه ليه المسيحين بيضطهدونا احنا المسلمين واحنا كمان لان ده جذوره من الاف السنين يا حبيبى فهمتى يعنى مش هنقدر نضحك على نفسنا فى الموضوع ده ممكن يكون فيه كره بس نايم جوانا شويه
كل تاج وانت طيب يا قمر
يا خرابى ايه ده ؟
انا اسمى مكتوب
يالهوىىىىىىىىىىى
والله واتشبهتى يا بت يا خيخة
وبقوا بيكتبوا اسمك
والله العظيم يا حل يا وسط يا ختشى
انا قلبى دق لما شوفت اسمى عندك
وخصوصا انك ضايفة عليه حتة ان مدونتى الاقرب الى قلبك
انت خليتى عنيا تدمع يا بت
المهم اجاباتك كلها حلوة وفى الجون
وانا متفقة معاكى فى نقط كتير
وخصوصا فى نقطة احسن انجاز
انا اصلى بحب المترو اوى
شكرا ليكى
وحلوة اجاباتك اوى
اختك خيخة
أولا قبل ما اعتذر عن سقوط اسمك سهوا من قائمة المدعوين
أحب أقول ان اجابتك أقوى وأجرأ إجابات ردت على التاج حتى الأن
بالذات للأجابة عن سؤال ..رئيس الجمهورية اللى تختارية
ثانيا بقى
سامحينى انى ما اضفتش اسمك
انا اصلا من الناس اللى بيتعاملو معاملة اطفال
من كتر الزهايمر واللخبطة اللى انا فيها والنسيات
وأشكرك جدا جدا على جدعنتك فى انك اخدتى التاج قوة واقتدار وبدون كسوف زى بعض الناس ما بتتكسف ..بجد عجبنى منك ده اوى اوى
ثالثا انا أضفت اسمك الكريم لقائمة المدعوين
وان شاء الله فى شهر مارس هعمل بوست كبير عن التاج ده وعن الاجابات اللى اتقالت ومدلولها ونحلل الاجابات دى ونشوف الناس بتفكر ازاى
تقبلى خالص تحياتى
خالو أحمد
appy
انا لقيت الناس كلها ما بتحبش التاجات وبتزعل منها
انا بقى حبيت الموضوع وعجبني
بالنسبة لموضوع المثليين
الكلام فيه كتير
وانا قطعت عرق وسيحت دمه وخلصت
واحيلك لاحدث حاجة قريتها في الموضوع
http://elbostagy2.blogspot.com/2008/01/blog-post.html
اما موضوع المسيحين
فعلى مستوى السلطة مهماش مضطهدين
البابا شنوده ماحدش يقدر يقريله
مش زي اي خطيب جامع ممكن يروح ورا الشمس ومفتي مستانس
وزير مهم جدا هو وزير المالية المتحكم في كل جنيه يدخل جيبي وجيبك مسيحي
اكبر مليونير في البلد ساويرس واهم اعمده لاقتصاد في البلد مسيحيين
انا مش باقر عليهم انا عارفة كويس انهم مجتهدين
اما على مستوى المواطن العادي زيي وزيك فاحنا مش بس بنضطهد بعض
حنا بناكل بعض وبننهش بعض
لما الاسعار بتغلى بتغلى عالكل
ولما التعليم بيتخرب بيتخرب على الكل
ولما الدنيا بتطربق بتطربق على الكل
وانت طيبة يا سكر
<><><><><><><><>
خيخة حبيبتي
يعني ان ماكانش انت هيبقى مين
وانا كمان بحب المترو قوي
وكل ما بنتفق في نقط كتير كل ما بافرح قوي
اسعدتيني بزيارتك
<><><><><><><><>
خالو احمد الصباغ
مافيش داعي لاي اعتذار
انا اعتبرت نفسي مش غريبة ودخلت البيت وفتحت التلاجة وخدت اللي انا عايزاه منغير استئذان
وانا سعيده جدا انك ضفتني لقائمة المدعويين
بس كده مش هيبقى قوة واقتدار
January 29, 2008 6:49 AM
تصدقي فعلاً إجاباتنا متقاربة
بس اجاباتك جميلة
يا جبروتك يا بنتى
جامده الاجابات بجد
اكتر اجابات دخلت دماغى لحد دلوقتى
هو مفيش حل وسط خالص
عموما يا حبيبى هى وجهه نظر انتى حرة فيها وجبك عليا احترمها اوك
انا اه يا حبيبى من العريش بابا من هناك ومن عيله كبيرة اسمها الفواخرى لو تسمعى عنها ولنا حى كامل باسمنا واحنا بس اللى عايشين فيه بس احنا فى القاهرة دلوقتى بس على طول انا هناك تقريبا كل اسبوعين بس من ساعه احداث غزة مروحتش بس اوعدك اروح لما الامور تهدى واقولك يا قمر على الاسعار بس العريش بلدى وعارفه جمالها واكيد بتنور بيكى كل مرة
انا متفقه معاكى بشده خصوصا فى كلامك عن الاضطهاد
احيكى على اجابتك
انتى فيييييييييين
اختفيتى ليييييييييه
نحن فى انتظار الجديد منك
طمنينا عليكى
اختك خيخة
جميل جميل
اجاباتك جميله
لكن عذرا
غير مبرره
لماذا لم تتفضلي بذكر الاسباب
لعل لان الشرط هو الاجابه المختصره
لكن كان لازم يكون فيه تعليل
..............
أنا على فكره اوافق حضرتك على معظم الاجابات
معظمها تقريبا
وين هنادى يا مااااااااى وين هناااادى
انتى فيييييييييين يا حل وسط
طمنينا عليكى
اختك خيخة
لولولولوى
مبسوطة جدا انك جيتى بالسلامة وطمنتينى عليكى
مستنين جديدك بقى
ماتتأخريش علينا تانى
كنت مفتقداكى مووووووووووت
حمدالله على السلامة ياسكرة
اختك خيخة
مهندس مصري
اشكرك
بعض ما عندكم
<><><><><><>
لماضة
الحلول الوسط دي الواحد بيضطر ليها في الحياه
اما مع التاجات
بالدراع
:)
<><><><><><>
appy
ايوة عارفة حي الفواخرية
سعيده جدا اني اتعرفت بيكي
<><><><><><>
على اسم مصر
اشكرك وتحياتي ليكي
<><><><><><>
انا انسان
زي ما قلت الاختصار كان مطلوب
بس انا استفضت في التحديث
شكر لك
<><><><><><>
خيخة حبيبتي ربنا يخليكي ليا ويدوم سؤالك عليا
Post a Comment