من الشتايم اللي كانت يحلى لأمي تشتمني بيها لما اعمل أو أقول حاجة ما تعجبهاش
جاك حل وسطك
مع اني مش عارفة ايه علاقة وسطي باللي أنا عملته
كبرت انا وبطلت أمي تشتمني وتقرصني .. الحمد لله
بس لقيت نفس المصطلح بيتردد قدامي
مع تغيير بسيط في التشكيل
وكمان لقيت نفسي عايشة بيه
حل وسط ..
مالا يدرك كله لا يترك كله
مسك العصايا من النص
الرقص عالسلم
الدنيا ما تتاخدش أفش
كل دي مترادفات لسياسة واحده مافيش غيرها قدامي في الحياه
كانها قانون ولازم اطبقه
وإلا.. العواقب هتكون درامية قوي
يا اما اتنازل تماما عن اللي عايزة اعمله
يا اما الجا لحل وسط يرضي جميع الاطراف
ومش انا بس.. الدنيا كلها على ده الحال
والامثلة كتيييييييييييير
2 comments:
مرحبا بالحل الوسط
هي فعلا قيمه بتكون ممتعه
المره دي بعلن افتتاح المدونه
وبعدين أكمل
كان ابويا الله يرحمه لما كان بيحفظني القرآن صغير كان بيعلمني ان في أربع آيات في القرآن اختارت الوسط
هي
*******
""لا فارض ولا بكر عوان بين ذلك
عن البقره في سورة البقره
===
ولا تجعل يدك مغلولة الى عنقك ولا تبسطها كل البسط
عن الانفاق في سورة الاسراء
===
ولا تجهر بصلاتك ولا تخافت بها
عن الصوت في القراءه في الصلاه
في سورة الاسراء
====
والذين إذا انفقوا لم يسرفوا ولم يقتروا
في سورة الفرقان
وكنا نتعلم
أن خير الأمور الوسط
****
وكنا نتعلم أن الحل الرمادي لتأليف القلوب يكون رائعا
ربنا يوفقك في مسيرتك ان شاء الله
وياريت تلغي
Word Verification
من setting
comment
لك خالص تحياتي وتهاني وأمنياتي
Post a Comment